Dwayne Johnson thyen heshtjen pas dështimit të ‘The Smashing Machine’ në box office: ‘Nuk mund t’i kontrollosh rezultatet’

Dwayne Johnson ka reaguar për herë të parë pas hapjes zhgënjyese në kinema të dramës biografike sportive The Smashing Machine, që doli më 3 tetor. Filmi i ri i studios A24, me regji të Benny Safdie, rrëfen jetën e luftëtarit të MMA-së Mark Kerr, me Johnson në rolin kryesor dhe Emily Blunt në rolin e bashkëshortes së tij, Dawn Staples.

Siç njofton Variety, filmi hapi në vendin e tretë me rreth 5.9 milionë dollarë në Amerikën e Veriut, nga rreth 3,345 kinema — hapja më e dobët në gjithë karrierën e Johnson, nën thrillerin e tij të vitit 2010 Faster, dhe shumë poshtë parashikimeve prej 8 deri në 15 milionë dollarësh.

Hapja e dobët është një goditje edhe për A24-në, që shpenzoi rreth 50 milionë dollarë për prodhimin dhe miliona të tjerë për promovimin, duke përfshirë ndalesat në festivalet e filmit të Venecias dhe Torontos. Analistët vlerësojnë se studio mund të përballet me humbje prej 10 deri në 15 milionë dollarësh.

Kritikët, megjithatë, e pritën mirë filmin që në premierën e Venecias, ku Safdie fitoi çmimin e regjisorit më të mirë, ndërsa interpretimi i Johnson u cilësua si një nga më të ndjeshmit e karrierës së tij.

Të hënën, aktori reagoi në Instagram me një mesazh mirënjohjeje: “From deep in my grateful bones, thank you to everyone who has watched The Smashing Machine. In our storytelling world, you can’t control box office results — but what I realized you can control is your performance…” Ai shtoi se ishte nder t’i transformohej roli për regjisorin e tij, Benny Safdie-n, duke pranuar: “Truth is, this film has changed my life.”