Robert Pattinson i përgjigjet kritikave të Chris Hansen-it për “Primetime”: “Jam fan i tij — po përpiqesha ta bëja të dukej cool”
Robert Pattinson i është përgjigjur kritikave të Chris Hansen-it për filmin “Primetime”, duke u shprehur se është fan i prezantuesit të njohur televiziv. Në një intervistë për Entertainment Tonight, të publikuar më 11 tetor dhe të raportuar gjerësisht ditën e hënë, aktori britanik tha: “I mean, it’s weird. I was trying to make him cool. He is cool. I’m a fan.” (“E çuditshme. Po përpiqesha ta bëja të dukej cool. Ai është cool. Jam fan i tij.”)
Pattinson shtoi se e gjen “awesome” (shkëlqyer) faktin që më shumë njerëz do ta zbulojnë Hansen-in falë filmit. Siç njofton Deadline, aktori tregoi se në shfaqjet paraprake ka parë “të rinj që vijnë të veshur si Chris Hansen”, që bëjnë imitime të tij dhe që, siç shprehet ai, do të varin postera të tij në mure.
Reagimi i Pattinson-it vjen pas kritikës publike të Hansen-it: pasi e pa filmin, prezantuesi i dha performancës së aktorit notën “D” në podcastin e tij “Have a Seat with Chris Hansen”, në një intervistë për Jesse Watters të Fox News. Hansen e quajti filmin “bizarre” (“i çuditshëm”), tha se “hyn e del nga realiteti” dhe se i shndërron hetimet e tij reale në një “spirale psikologjike horror-i tepër dramatike”. Ai ka theksuar se nuk u konsultua për filmin, se refuzoi një shfaqje private dhe se filmi përfiton nga emri i tij — ndonëse u tha fansave të vendosin vetë nëse do ta shohin apo jo.
“Primetime” është filmi i ri i studios A24 me regji të Lance Oppenheim — një paraqitje fiktive e karrierës së Hansen-it, bazuar në artikullin e Esquire-it të vitit 2007 nga Luke Dittrich (“Tonight on ‘Dateline’ This Man Will Die”). Në kast janë edhe Phoebe Bridgers, Merritt Wever, Sean Bridgers dhe Skyler Gisondo. Javën e kaluar, A24 publikoi një “screen test” ku Pattinson praktikon zërin dhe mënyrën e Hansen-it, ndërsa vetë Hansen ka blerë hapësirë reklamimi përpara shfaqjeve të filmit për të promovuar rrjetin e tij true-crime, TruBlu.
Filmi është tashmë në kinema, dhe në fundjavën e hapjes (9–11 tetor) mori rreth 4 milionë dollarë, sipas të dhënave të box-office-it të raportuara nga mediat amerikane.
