E martë, 17 Nëntor 2026
54°F Detroit
Ballina›Lajme nga Shqiperia›Begaj pret përfaqësuesit e Dhomës së Tregtisë Shqipëri-Turqi, në fokus investimet dhe bashkëpunimi ekonomik

Begaj pret përfaqësuesit e Dhomës së Tregtisë Shqipëri-Turqi, në fokus investimet dhe bashkëpunimi ekonomik

Presidenti Bajram Begaj, ka pritur në një takim përfaqësuesit e Bordit Drejtues të Dhomës së Tregtisë dhe Industrisë Shqipëri-Turqi, me të cilët ka diskutuar për forcimin e marrëdhënieve ekonomike dhe tregtare mes dy vendeve.

Gjatë takimit, Kreu i Shtetit vlerësoi partneritetin strategjik mes Shqipërisë dhe Turqisë, duke theksuar zgjerimin e bashkëpunimit ekonomik, veçanërisht në fushën e investimeve të drejtpërdrejta nga sipërmarrjet me kapital turk.

Begaj nënvizoi se marrëdhëniet mes dy vendeve po shtrihen përtej tregtisë tradicionale të mallrave dhe shërbimeve.

Një tjetër çështje e diskutuar ishte promovimi i Shqipërisë si qendër rajonale për takime dhe aktivitete biznesi. Duke iu referuar Forumit Ballkanik të Biznesit, të zhvilluar muajin e kaluar në Tiranë, Begaj vlerësoi rëndësinë e nismave të tilla për tërheqjen e interesit të sipërmarrjeve dhe investitorëve.

Në takim u diskutua edhe për bashkëpunimin e Dhomës së Tregtisë dhe Industrisë Shqipëri-Turqi me institucionet shqiptare në përafrimin e standardeve evropiane, në kuadër të procesit të integrimit të vendit në Bashkimin Evropian.

Presidenti Begaj vlerësoi gjithashtu angazhimin e institucioneve turke dhe të Dhomës së Tregtisë Shqipëri-Turqi në forcimin e mëtejshëm të marrëdhënieve mes dy vendeve.

Ende nuk ka komente. Bëhuni i pari që komenton.

Lini një koment