E enjte, 19 Nëntor 2026
54°F Detroit
Ballina›Lajme nga Shqiperia›Punimet në aks, bllokohet përkohësisht qarkullimi në rrugën dytësore Tiranë-Durrës! ARRSH njofton drejtuesit për kufizi

Punimet në aks, bllokohet përkohësisht qarkullimi në rrugën dytësore Tiranë-Durrës! ARRSH njofton drejtuesit për kufizi

Autoriteti Rrugor Shqiptar (ARRSH) ka njoftuar bllokimin e përkohshëm të qarkullimit të automjeteve në një segment të rrugës dytësore Tiranë-Durrës, për shkak të punimeve për montimin e trarëve të mbikalimit të Nyjes së Laknasit.

Sipas njoftimit, kufizimi do të prekë segmentin nga Mbikalimi i Kamzës deri te Mbikalimi i Kasharit, në krahun e djathtë, në të dyja senset e lëvizjes.

Punimet do të kryhen duke filluar nga sot, 19 nëntor, deri nesër, 20 nëntor 2026, në fashën orare 22:00-05:00.

Ndërhyrja zhvillohet në kuadër të projektit “Zgjerimi i Superstradës Tiranë-Durrës, Faza III”.

ARRSH bën me dije se janë marrë masat për menaxhimin e trafikut, vendosjen e sinjalistikës së përkohshme dhe garantimin e sigurisë në zonën ku do të zhvillohen punimet.

Autoritetet u bëjnë thirrje drejtuesve të mjeteve të planifikojnë paraprakisht itinerarin, të tregojnë kujdes të shtuar dhe të respektojnë sinjalistikën dhe udhëzimet e personelit përgjegjës.

Lini një koment