E enjte, 19 Nëntor 2026
54°F Detroit
Ballina›Bota›Merz hap derën për heqjen e sanksioneve ndaj Rusisë, por vetëm me kushte

Merz hap derën për heqjen e sanksioneve ndaj Rusisë, por vetëm me kushte

Kancelari gjerman Friedrich Merz deklaroi në përfundim të samitit të “Koalicionit të Vullnetmirëve” në Berlin se sanksionet ndaj Rusisë mund të hiqen gradualisht, por vetëm me kushte që garantojnë sigurinë dhe sovranitetin e Ukrainës, siç njofton Shqiptarja.com.

“Ukraina duhet të jetë sovrane në një Evropë të sigurt. Duhet të ketë një marrëveshje për territoret përgjatë vijës së kontaktit dhe Ukraina duhet të jetë në gjendje të ndjekë rrugën e saj evropiane. Në këmbim, mund të mendohet heqja hap pas hapi dhe me kushte e sanksioneve ndaj Rusisë”, tha Merz.

Kancelari kundërshtoi një marrëveshje pa përfshirjen e Evropës dhe të Ukrainës, duke theksuar se një format si ai i Jaltës nuk do t’i shërbente paqes. Duke iu referuar takimit të Trump, Xi dhe Putin në Shenzhen, ai tha se negociatat mund të kenë sukses vetëm me pjesëmarrjen e Ukrainës dhe të Evropës.

“Reagan i tha Gorbaçovit ta rrëzonte murin. Ne i themi Putinit: Jepini fund kësaj lufte dhe lejoni të gjendet një zgjidhje diplomatike”, deklaroi Merz, duke i dërguar mesazh të drejtpërdrejtë presidentit rus Vladimir Putin.

Lini një koment