Kalaja e Porto Palermos, skenë muzike dhe dialogu ndërkombëtar
Kalaja e Porto Palermos mirëpriti mbrëmë “World Changers Porto Palermo 2026”, një mbrëmje ndërkombëtare kushtuar dialogut, kulturës, inovacionit dhe bashkëpunimit.
Në program pati panele ndërkombëtare diskutimi si dhe u bë prezantimi premierë i librit “World Federal Constitutionalism and Technologies of Power in the Quantum Era”, me bashkautorë prof. Gabriele Pao-Pei Andreoli dhe Alberto Contu.
Aktiviteti, me mbështetjen e Ministrisë së Turizmit, Kulturës dhe Sportit, Bashkisë Himarë dhe Porto Palermo Festival, solli një eksperiencë ndërkombëtare që shndërroi Kalanë e Porto Palermos në një hapësirë dialogu, krijimtarie, inovacioni dhe bashkëpunimi ndërkombëtar, duke bashkuar akademikë, artistë, inovatorë, drejtues institucionesh dhe vendimmarrës nga vende të ndryshme të rajonit dhe më gjerë.
Atmosferës së dialogut ndërkulturor iu shtua performanca e violinistit Olen Cesari, i cili ndërthuri virtuozitetin e muzikës klasike me elemente bashkëkohore.
