Grand Rapids shpenzon 150,000 dollarë për ruajtjen e sendeve të personave pa strehë
Autoritetet e Grand Rapids kanë miratuar 50,000 dollarë nga Downtown Development Authority për të vazhduar programin që ofron ruajtje të përkohshme për sendet e njerëzve pa strehë. Programi, i quajtur “Personal Belongings Storage Program”, u lançua nga qyteti në bashkëpunim me Mel Trotter Ministries dhe tani mbështetet me fonde lokale pasi ndihmat federale janë shterur.
Siç raporton michigannewssource, programi nisi në 2021 me 158 kuti ruajtjeje dhe është zgjeruar në 265, me rreth 800 veta që aktualisht e përdorin shërbimin për të ruajtur rreth 10,000 paund sende personale. Fillimisht programi ishte financuar me 200,000 dollarë nga fondet e American Rescue Plan, por ato fonde kanë përfunduar.
Qyteti kishte angazhuar më parë 100,000 dollarë nga buxheti i pastrimit të qytetit, ndërsa vendimi i fundit i DDA-së ngre totalin vendor në 150,000 dollarë. Zyrtarët e qytetit argumentojnë se kutitë ndihmojnë jo vetëm për të mbrojtur sendet e banorëve pa strehë, por edhe për të mbajtur zonën e qendrës më të pastër dhe më tërheqëse për publikun. Jo të gjithë anëtarët e bordit mbështetën shpenzimin: Greg McNeilly ishte vota e vetme kundër, duke thënë se subvencionimi i jetesës në rrugë nuk duhet të konsiderohet padyshim si akt i mirëkuptimit dhe se prioritet duhet të jenë zgjidhjet afatgjata për pa strehësinë.
Për momentin programi nuk eliminon të gjitha sfidat e njerëzve pa strehë, por siguron një vend për ruajtjen e sendave të tyre, siç bën të ditur edhe michigannewssource.
