Trump heq tarifat për uiskin irlandez: «USA» brohoriti turma në Irish Open
Presidenti i Shteteve të Bashkuara, Donald Trump, njoftoi të dielën se administrata e tij do t’i heqë tarifat për uiskin irlandez. Njoftimi u bë gjatë ceremonisë së ndarjes së çmimeve të turneut Irish Open, i cili u zhvillua në resortin e tij të golfit, Trump International Golf Club, në Doonbeg të Irlandës, ku Trump po kalon fundjavën.
«Të gjithë më kanë ngacmuar, duke thënë: a mund të na bësh një nder? Është kaq e padrejtë ajo që po ndodh. A mund t’i heqësh tarifat nga uiski irlandez? Dhe unë thashë: në emër të Shteteve të Bashkuara të Amerikës, do t’i heq tarifat nga uiski irlandez», u tha presidenti të pranishmëve.
Turma e priti njoftimin me duartrokitje të mëdha dhe me thirrje «USA», duke krijuar një atmosferë festive në resortin buzë Atlantikut.
Njoftimi vjen në kuadër të politikës tregtare të administratës Trump dhe marrëdhënieve ekonomike SHBA–Irlandë. Vizita dyditore e presidentit amerikan në Irlandë përfshiu gjithashtu takime diplomatike në Dublin, ndërkohë që u organizuan edhe protesta kundër tij.
Burimi: Fox Business
