OpenAI mbështet auditime të pavarura për modelet kryesore të inteligjencës artificiale

OpenAI ka shprehur mbështetje për pjesë të një projektligji dypartiak që do t
detyronte kompanitë më të mëdha të inteligjencës artificiale të nënshtroheshin ndaj auditimeve të pavarura të modeleve të tyre gjuhësore. Kompania po thekson nevojën për rregulla më të forta të sigurisë, ndërsa studiuesit dhe zhvilluesit paralajmërojnë për rreziqet e mundshme nga modelet e avancuara.

Sipas CBS News, Chris Lehane, shefi i çështjeve globale të OpenAI, shprehu mbështetjen për këtë propozim gjatë një tryeze me ligjvënës në Uashington. Kjo është hera e parë që kompania tregon përkrahje për një detyrim federal që kërkon një vlerësim të palës së tretë mbi punën e zhvilluesve të AI.

Neni qendror i propozimit, i përfshirë në FRONTIER Act, parashikon që një organizatë e pavarur të vërtetojë nëse protokollet e sigurisë janë të mjaftueshme për të reduktuar atë që ligji e përshkruan si “nivela të pranueshme të rrezikut katastrofik”. Projektligji, i sponsorizuar nga përfaqësuesit Jay Obernolte dhe Lori Trahan, kërkon gjithashtu publikimin e raporteve mbi modelet dhe deklarimin e incidenteve të sigurisë. OpenAI ka shprehur mbështetje për auditimet e palëve të treta, por nuk ka miratuar tekstin e plotë të ligjit.

Në një postim më 9 shtator, Lehane i bëri thirrje Kongresit të vendosë kërkesa kombëtare të detyrueshme për sigurinë e AI-së dhe të nxisë bashkëpunimin midis zhvilluesve të mëdhenj për të përcaktuar standarde industriei. Kritikë si Joseph Miller, themelues i PauseAI UK, thonë se pa ndërhyrje qeveritare kompanitë nuk ka të ngjarë të miratojnë masa të mjaftueshme për të mbrojtur publikun, siç raporton CBS News.