WSJ: Trump i gatshëm t’i japë fund luftës pa rihapur Ngushticën e Hormuzit

Presidenti amerikan, Donald Trump u ka thënë këshilltarëve të tij se është i përgatitur t’i japë fund operacionit kundër Iranit edhe nëse Ngushtica e Hormuzit mbetet kryesisht e mbyllur, raporton ”Wall Street Journal”, duke cituar burime që thonë se ditët e fundit, presidenti dhe ndihmësit e tij kanë përcaktuar se misioni për zhbllokimin e Hormuzit do ta shtynte konfliktin përtej afatit kohor të përcaktuar prej katër deri në gjashtë javësh.

Trump thuhet se po zgjedh që Shtetet e Bashkuara të përqendrohen në arritjen e objektivave të tyre – neutralizimin e arsenaleve detare dhe raketore të Iranit – për t’i dhënë fund luftës, ndërsa njëkohësisht ushtron presion mbi Teheranin për të rivendosur tregtinë e lirë.

Nëse kjo qasje dështon, Uashingtoni është i përgatitur t’u kërkojë aleatëve të tij në Evropë dhe Gji të marrin drejtimin në operacionet për rihapjen e ngushticës./  a.jor.