Coca-Cola HBC Kosova mbështet Maratonën e Prishtinës 2026 duke bashkuar sportin dhe qëndrueshmërinë
Coca-Cola HBC Kosova mbështeti Maratonën e Prishtinës 2026, duke iu bashkuar rreth 1,600 vrapuesve dhe aktivistëve të shumtë në një nga ngjarjet më të mëdha sportive në Kosovë të mbajtur 20 shtator. Pjesëmarrja e kompanisë ndërthuri mbështetjen për një mënyrë më aktive të të jetuarit dhe iniciativën komunitare për riciklim, që synonte të inkurajonte mbledhjen e përgjegjshme të ambalazheve gjatë aktivitetit.
Në partneritet me Prishtina Athletes Club, Coca-Cola HBC Kosova ftoi vrapuesit, vizitorët dhe mbështetësit të marrin një rol aktiv në mbledhjen e ambalazheve dhe të kontribuojnë në krijimin e një mjedisi më të pastër gjatë aktivitetit.
Powerade, marka e pijeve për hidratim sportiv e sistemit Coca-Cola,mbështeti vrapuesit gjatë gjithë maratonës. Nga përbërja me karbohidrate dhe elektrolite, Powerade është krijuar për të mbështetur hidratimin gjatë aktivitetit fizik me intensitet të lartë.
“Mbështetja e Maratonës së Prishtinës na jep mundësinë të jemi pjesë e një aktiviteti që bashkon sportin, energjinë dhe një ndjenjë të fortë shoqërore. Në të njëjtën kohë, dëshiruam ta përdorim këtë platformë për të inkurajuar një veprim të thjeshtë, por të rëndësishëm – mbledhjen dhe riciklimin e përgjegjshëm të ambalazheve. Besojmë se praktikat pozitive ndërtohen përmes zgjedhjeve të përditshme dhe se partneritetet me organizatat lokale dhe aktivitetet si Maratona e Prishtinës na mundësojnë të angazhojmë drejtpërdrejt njerëzit dhe të kontribuojmë në hapësirat ku operojmë”, tha Petar Boshkoski, Menaxher i Shitjeve në Coca-Cola HBC Kosova.
Përmes pjesëmarrjes në Maratonën e Prishtinës, Coca-Cola HBC Kosova u bë pjesë e një aktiviteti që ndërthuri sportin dhe përfshirjen e komunitetit, duke krijuar njëkohësisht një mundësi shtesë për të rritur ndërgjegjësimin për menaxhimin e përgjegjshëm të ambalazheve dhe riciklimin.
Rreth Coca-Cola HBC Coca-Cola HBC është një kompani e produkteve të paketuara të konsumit, e fokusuar në rritje, dhe një partner strategjik i The Coca-Cola Company për prodhimin dhe shpërndarjen e pijeve. Ne krijojmë momente freskuese për të gjithë, duke gjeneruar vlerë për palët tona të interesit dhe duke mbështetur zhvillimin socio-ekonomik të komuniteteve ku operojmë. Me vizionin për të qenë partneri kryesor i pijeve 24/7, ne ofrojmë pije për çdo rast, gjatë gjithë ditës, dhe bashkëpunojmë me klientët tanë për t’u shërbyer 760 milionë konsumatorëve në një shtrirje të gjerë gjeografike prej 29 shtetesh.
Portofoli ynë është ndër më të fuqishmit, më të gjerët dhe më fleksibël në industrinë e pijeve, me marka kryesuese për konsumatorët në kategoritë e pijeve të gazuara, pijeve të gazuara për të rritur, lëngjeve, ujit, pijeve sportive, pijeve energjike, çajit të gatshëm për konsum, kafesë dhe pijeve premium alkoolike, me ushqimet e lehta si ofertë shtesë. Produktet tona përfshijnë Coca-Cola, Coca-Cola Zero Sugar, Fanta, Sprite, Schweppes, Kinley, Costa Coffee, Caffè Vergnano, Valser, FuzeTea, Powerade, Cappy, Monster Energy, Finlandia Vodka, The Macallan dhe Jack Daniel’s.
Ne promovojmë një mjedis pune të hapur dhe gjithëpërfshirës për më shumë se 33,500 punonjësit tanë dhe besojmë se ndikimi pozitiv në mjedis është thelbësor për rritjen tonë të ardhshme. Jemi ndër liderët e industrisë globale të pijeve në vlerësimet kryesore të qëndrueshmërisë, përfshirë Dow Jones Best-in-Class Indices, CDP, MSCI ESG, FTSE ESG dhe ISS ESG.
Coca-Cola HBC është e listuar në Bursën e Londrës (LSE: CCH) dhe në Euronext Athens (Euronext Athens: EEE).
Për më shumë informacion, ju lutemi vizitoni coca-colahellenic.com.
