“Jo në emrin tim”, tifozët kuqezi shpalosin mesazhe të fuqishme në ndeshjen Shqipëri – Bjellorusi

Kombëtarja e Shqipërisë e ka nisur me fitore 2-0 aventurën në Ligën C të Nations League ndaj Bjellorusisë, siç njofton Klan Kosova. Kuqezinjtë triumfuan para tifozëve të tyre, në një mbrëmje ku futbolli u ndërthur me mesazhe të fuqishme nga tribunat.

Në tribunat e mbushura me flamuj kombëtarë, tifozët kuqezi shpalosën banerin “Jo në emrin tim”, në shenjë proteste ndaj aktgjykimit dënues të 16 shtatorit nga Dhomat e Specializuara në Hagë ndaj katër ish-drejtuesve të UÇK-së. Gjatë 90 minutave nuk munguan thirrjet e vazhdueshme në kor “UÇK, UÇK”.

Me këtë fitore, Shqipëria siguron tri pikët e para në grup, ku bëjnë pjesë edhe Finlanda e San Marino. Pas tre ditësh, kuqezinjtë luajnë në udhëtim ndaj San Marinos.

Ndeshja ishte edhe prova e parë e vërtetë e ekipit në këtë edicion të Nations League, ndërsa mbështetja e zjarrtë e tifozëve i dha një shtysë shtesë kuqezinjve drejt fitores në startin e garës.