Tyson Fury mposht Arslanbek Makhmudov me vendim unanim dhe fton Anthony Joshuan

Tyson Fury fitoi me vendim unanim të gjyqtarëve ndaj Arslanbek Makhmudov në duelin që u zhvillua në Tottenham Hotspur Stadium në Londër, duke u rikthyer te suksesi pas dy humbjeve ndaj Oleksandr Usyk. Të tre gjyqtarët i dhanë fitoren Fury-t me shifrat 120-108, 120-108 dhe 119-109, ndërsa britaniku dominoi pjesën më të madhe të përballjes.

Raporton telesport se fillimisht sfida nisi më e fortë për rusin, i cili mbërrinte në këtë përballje me bilancon 21 fitore e 3 humbje, por me kalimin e raundeve epërsia u kaloi Fury-t. Makhmudov qëndroi në këmbë deri në fund të 12 rundëve pavarësisht disa goditjeve të forta, ndërsa Fury nuk arriti ta mbyllte përballjen me KO.

Fitorja shënon të 35-tën në karrierën profesionale të Fury-t; pas dy humbjeve ndaj Usyk ai kishte mbajtur një periudhë të shkurtër larg ringut. Në tribunë ishte edhe ish-kampioni tjetër britanik Anthony Joshua, të cilin Fury e ftoi të përballet me të në përballjen e ardhshme: “Joshua, të ftoj në duel, të jesh rivali im i radhës”. Fury konfirmoi se synon saktësisht atë si kundërshtar për ndeshjen e radhës dhe bëri të ditur se negociatat janë nisur.

Sipas telesport, pas përfundimit të duelit dy boksierët shkëmbyen vetëm një takim duarsh, ndërsa pala e Fury-t po vijon bisedimet për detajet e mundshme të përballjes së ardhshme.