Sondazhi i ri në Teksas: Gara për guvernator Abbott–Hinojosa, shumë e ngushtë
Një sondazh i ri i publikuar të mërkurën, më 30 shtator, tregon se gara për guvernatorin e Teksasit mbetet shumë e ngushtë: guvernatori republikan Greg Abbott mban një epërsi të vogël ndaj kandidates demokrate Gina Hinojosa.
Sipas sondazhit të PollMax, siç njofton El Paso Times, Abbott mbështetet nga 48.8% e votuesve, ndërsa Hinojosa merr 44.5% — një diferencë prej vetëm 4.2 pikë përqindjeje.
Rezultati e konfirmon garën si të papërcaktuar (“toss-up”) dhe potencialisht një nga garat më të ngushta për guvernator në historinë e Teksasit. Gara më e ngushtë ndonjëherë ishte ajo e vitit 1978, me një diferencë prej vetëm 0.72 pikësh, pasuar nga ajo e vitit 1990 (2.55 pikë) dhe e vitit 1994 (7.6 pikë).
Fushata e Abbott, ndërkohë, ka intensifikuar sulmet ndaj rivales demokrate, duke e cilësuar Hinojosën si “liberalen më progresive në legjislaturën e Teksasit” — një etiketë që demokratja e ka kundërshtuar fort.
Zgjedhësit teksanë kanë pak kohë për t’u përgatitur: afati i fundit për regjistrimin për votim është 5 tetori, votimi i hershëm zhvillohet nga 19 deri më 30 tetor, ndërsa dita e zgjedhjeve është e martë, 3 nëntor.
