Zhduket një grua në Suharekë, Policia nis hetimet

Policia e Kosovës është duke hetuar zhdukjen e një gruaje në Suharekë, siç njofton KosovaPress.

Sipas raportit 24-orësh të Policisë, është raportuar se viktima, një femër kosovare, ka dalë nga shtëpia më 29 shtator, rreth orës 11:00, dhe që atëherë nuk dihet vendndodhja e saj.

“Është raportuar se viktima femër kosovare ka dalë nga shtëpia dhe nuk dihet vendndodhja e saj”, thuhet në raportin e Policisë.

Policia ka bërë të ditur se rasti vazhdon të trajtohet dhe është duke u hetuar.