Arsenal mposht Fulham 3-0 në Emirates dhe shton presionin mbi Manchester City

Arsenal fitoi 3-0 ndaj Fulham në ndeshjen e luajtur në “Emirates” për javën e 35-të në Premier League. Viktor Gyokeres hapi rezultatin në minutën e 9 pas asistit të Bukayo Saka. Në minutën e 31 Riccardo Calafiori shënoi me kokë, por goli u anulua për pozicion jashtë loje pas ndërhyrjes së VAR. Në minutën e 40 Saka dyfishoi rezultatin pas një asistimi të Gyokeres dhe një devijimi të mbrojtësit kundërshtar, ndërsa në kohën shtesë të pjesës së parë Gyokeres shënoi sërish me kokë pas një krosimi të Leandro Trossard për ta mbyllur sfidën në 3-0.

Skuadra e drejtuar nga Mikel Arteta dominoi pjesën e parë dhe nuk lejoi ndryshime në fraksionin e dytë, duke ruajtur kontrollin dhe ritmin sulmues të ndeshjes. Raporton telesport se ky ishte goli i 21-të i Gyokeres në sezonin e tij të parë në Londër, duke qenë një nga kontribuesit kryesorë të ekipit këtë sezon në të gjitha kompeticionet.

Me këtë fitore, Arsenali kryeson renditjen me 76 pikë, gjashtë më shumë se Manchester City, i cili ka dy ndeshje më pak. Sipas telesport, rezultati rrit presionin mbi kampionët dhe lë garën për titull ende të hapur.