LeBron udhëheq Lakers dhe eliminojnë Rockets në gjysmëfinalet e Perëndimit
Los Angeles Lakers kaluan në raundin e dytë të Playoff-it të Konferencës Perëndimore pas fitores 98-78 në Ndeshjen 6 ndaj Houston Rockets, duke fituar serinë 4-2. Tani ata do të përballen me Oklahoma Cityn, skuadër që ishte e renditur e para në konferencë. Kjo është hera e parë që Lakers arrijnë në raundin e dytë që nga viti 2023, kur u eleminuan nga Denveri në finalen e Perëndimit.
Sipas nba, LeBron James dha një paraqitje tërheqëse në ndeshjen vendimtare, me 28 pikë, shtatë kërcime dhe tetë asistime, ndërsa mbrojtja e Los Angeles-it kufizoi Rockets në nivelin e tyre më të ulët sezonal me 78 pikë. Trajneri JJ Redick vlerësoi lart karrierën dhe ndikimin e James, duke thënë se performancat e tilla e bëjnë atë një nga lojtarët më të mëdhenj në historinë e NBA.
Seria pati kthesa: Lakers nisën me tre fitore radhazi, por humbën dy ndeshjet e rradhës dhe u detyruan ta mbyllnin serinë në Houston. Ekipi përballej me vështirësi në aspektin e shëndetit të skuadrës, me disponueshmëri të kufizuar të Austin Reaves gjatë fazës së eliminimit. Nga ana tjetër, Rockets zhvilluan pesë nga gjashtë ndeshjet pa Kevin Durant.
Me këtë sukses, Los Angeles shkon për të sfiduar Oklahoma Cityn në gjysmëfinale, duke mbështetur strategjinë e tyre në udhëheqjen e LeBron James dhe një strukturë mbrojtëse më të fortë. Raporton nba.
