Gjykata Supreme rivendos përkohësisht aksesin me postë ndaj mifepritonit
Gjykata Supreme e SHBA-së të hënën rifilloi përkohësisht aksesin përmes postës ndaj ilaçit abortiv mifepriston, duke bllokuar një urdhër të një gjykate më të ulët që kufizonte përshkrimet përmes telemjekësisë dhe dërgesat me postë.
Raporton nypost se gjyqtari Samuel Alito pezulloi urdhrin e Gjykatës së Apelit për Rrethin e Pestë deri më 11 maj. Gjykata e Apelit, me seli në New Orleans, kishte vendosur më 1 maj që Administrata për Ushqim dhe Barnat (FDA) të kërkonte që mjekët të përshkruanin mifepristonin vetëm në prezencë të pacientes.
Mifepristoni, pjesë e një regjimi me dy medikamente për ndërprerjen e shtatzënisë, u miratua nga FDA në vitin 2000. Në vitet e fundit qasja ndaj tij është zgjeruar, përfshirë përdorimin përmes telemjekësisë dhe dërgimin me postë, çka e bëri çështjen objekt të debateve ligjore dhe politike.
Pezullimi i Alito-s i jep Gjykatës Supreme më shumë kohë për të shqyrtuar peticionin emergjent të paraqitur nga dy prodhues barnash që kundërshton urdhrin e Gjykatës së Apelit, sipas nypost.
