Trepça mposht Pejën në Karagaç dhe kualifikohet për në finale
Trepça arriti fitoren decisive në “Karagaç”, duke mposhtur Pejën me 103-96 dhe duke e fituar serinë gjysmëfinale 3-1. Ky sukses i jep mitrovicasve vendin në finale të Superligës së basketbollit.
Sipas topsporti, Peja nisi më mirë duke fituar çerekun e parë 32-24, por Trepça reagoi fuqishëm në çerekun e dytë (34-14) dhe mori epërsinë që e mbajti deri në fund të ndeshjes.
Nga Peja spikati Daquan Bracey me 31 pikë, ndërsa Dardan Berisha shtoi 24 pikë. Te Trepça më të dalluarit ishin Akili Vining me 24 pikë, si dhe Seketoure Henry dhe Kenneth Hasbrouck, secili me nga 18 pikë.
Trepça tani do të presë fituesin e çiftit Bashkimi–Bora; seria është e barabartë 2-2 dhe gjithçka do të vendoset në ndeshjen e pestë, e cila do të luhet më 6 maj në Prizren, raporton topsporti.
