FOTO/ Masakroi nënën për vdekje në Itali, ja kush është 21-vjeçari shqiptar i arrestuar! Fqinjët të tronditur nga ngjar
Mediat italiane kanë publikuar fotografinë e 21-vjeçarit shqiptar, Eduart Xhani, i cili vrau nënën e tij 39-vjeçare, Meleqe Lusha.
Ngjarja e rëndë u shënua dy ditë më parë në shtëpinë e tyre në Chiari të Brescias.
Sipas mediave vendase, i riu e qëlloi rreth 10 herë me thikë nënën e tij. Ai më pas u largua me makinë, por vetëm pas disa orësh vendosi që të shkonte të dorëzohej në polici.
Ndërkohë autoritetet italiane dyshojnë se 21-vjeçari ka probleme të shëndetit mendor, e ky ka qenë shkaku i veprimeve të tij. Pritet të bëhet një vlerësim psikiatrik për të kuptuar nëse i riu ka probleme.
Hetuesit kanë bërë të ditur se, Eduart Xhani nuk ka qenë në gjendje të shpjegonte arsyen e vrasjes dhe se ai nuk kishte asnjë pakënaqësi ndaj së ëmës.
“Ai ka qenë gjithmonë një djalë i mirë. Shpesh e shihja të ecte drejt stacionit për të shkuar në punë”, thotë një tjetër ish-fqinj, i cili shton se nuk ka parë kurrë problematika apo shqetësime të tij.
Ndërsa një fqinj tjetër e përshkruan 39-vjeçaren si të sjellshme.
“Ajo ishte një grua shumë e ëmbël, e sjellshme dhe e sjellshme, njësoj si djali i saj. Jemi pa fjalë. Ata janë njerëz të mirë. Nuk e di se si ndodhi kjo”, u shpreh pronari i një dyqani në qendër të qytetit, duke shtuar se do të organizojë një mbledhje fondesh për familjen Lusha.
