Donovan Mitchell prezanton këpucët e reja Adidas D.O.N. Issue No. 8 gjatë ndeshjes Cavs–Pistons

Donovan Mitchell debutoi modelin e ri të këpucëve të tij të firmës, Adidas D.O.N. Issue No. 8, gjatë ndeshjes së parë të raundit të dytë midis Cleveland Cavaliers dhe Detroit Pistons. Ylli i Cavs u shfaq me një palë me ngjyra të kuqe dhe blu, një referencë për nofkën e tij “Spida”.

Sipas Bleacher Report, Mitchell është partner i Adidas që nga viti i tij i parë në NBA dhe mori shpejt modelin e tij të firmës, një vendim që i ka rritur profilin brenda ligës.

Cleveland synon të arrijë në Finalet e Konferencës Lindore për herë të parë që nga 2018, por përballë ka një rival të vështirë në Pistons, skuadër që zuri vendin e parë të renditjes dhe që kaloi rundin e parë pas një sfide me Orlando Magic. Cavs përfunduan serinë e parë duke mposhtur Toronto Raptors.

Fotografitë nga ndeshja që dokumentojnë debutin e D.O.N. Issue No. 8 u shpërndanë menjëherë pas takimit dhe, raporton Bleacher Report, tregojnë detaje të dizajnit dhe zgjedhjen e ngjyrave që Mitchell përdori për këtë prezantim.