D.C. United nënshkruan me mesfushorin anglez Andre Dozzell

D.C. United konfirmoi të mërkurën nënshkrimin e mesfushorit Andre Dozzell me një kontratë që shtrihet deri në sezonin 2027-28, me një opsion për 2028-29. Mesfushori 27-vjeçar do t’i bashkohet klubit më 1 korrik përmes një transferimi pa kompensim; së fundmi ishte pjesë e Portsmouth në EFL Championship.

Sipas mlssoccer, Dozzell ka një eksperiencë të gjerë në futbollin anglez, me 281 paraqitje në nivelet e klubeve profesionale, ku ka shënuar 10 gola dhe ka dhuruar 7 asistime gjatë aventurave të tij me Birmingham City, Ipswich Town, Portsmouth dhe Queens Park Rangers.

Dr. Erkut Sogut, drejtori i operacioneve të futbollit te D.C. United, vlerësoi kualitetin dhe përvojën e lojtarit. Ai e përshkroi Dozzell si një mesfushor teknik, me vizion dhe një lojtar që kontribuon në të dy fazat e lojës gjatë gjithë 90 minutave, duke shprehur kënaqësinë që ai zgjodhi të bashkohet me skuadrën.

Klubi po zhvillon sezonin e parë të plotë nën drejtimin e Sogut dhe trajnerit René Weiler dhe shpreson që përforcime si Dozzell të ndihmojnë rikthimin në garat e play-off-it, të cilat D.C. United i arritën së fundmi në vitin 2019.

Informacionet rreth afatit të transferimit dhe detaje shtesë të nënshkrimit konfirmohen edhe nga mlssoccer.