Peskov: Evropianët do të marrin pjesë në bisedimet e paqes në Ukrainë nëse shohim qëllimet e tyre të sinqerta

Zëdhënës i Kremlinit, Dmitry Peskov tha të premten se Rusia do të ishte e hapur për pjesëmarrjen e evropianëve në bisedimet e paqes për Ukrainën, me kusht që të përcaktojë se ata janë të gatshëm të kontribuojnë në procesin e paqes.

“Sapo të shohim qëllimin dhe gatishmërinë e tyre të sinqertë për të kontribuar në procesin e paqes, atëherë do të jetë e mundur të merret një vendim për të zhvilluar një dialog mbi zgjidhjen e çështjes ukrainase në një format të zgjeruar”, thaPeskov kur u pyet për mundësinë e rifillimit të negociatave me pjesëmarrjen e përfaqësuesve evropianë së bashku me ata nga Ukraina, Rusia dhe SHBA-ja.

Dje pas takimit që pati me të dërguarit amerikanë në Dublin, Presidenti ukrainas Volodymyr Zelenskyy njoftoi se evropianët do të jenë të pranishëm në sesionin e ardhshëm të negociatave për t’i dhënë fund luftës midis Rusisë dhe Ukrainës.

Kjo u konfirmua edhe nga Jared Kushner, dhëndër dhe i dërguar special i Presidentit të SHBA-së Donald Trump.

“Nuk mund ta arrijmë këtë marrëveshje midis Moskës dhe Kievit pa qenë evropianët në tryezën e negociatave”, tha Kushner.

“Unë besoj se jemi në gjendje ta arrijmë këtë me Presidentin Putin”, shtoi ai, duke folur për shtypin nga një bazë ajrore irlandeze.