E premte, 13 Nëntor 2026
Lajmet e fundit
AP shpall fituese demokraten Laubacher, Lauren Boebert humbet në distriktin më të kuq të Kolorados • Hassett mohon raportin për largimin nga Shtëpia e Bardhë: ‘Nuk është e vërtetë’ • Daly e Fed-it: me shumë gjasa do të na duhet të rrisim normat, problemi kryesor është inflacioni • Collins: rritje të tjera të normave po vijnë, Fed mund të shtrëngojë më shumë nga sa pritej • Bessent fajëson Departamentin e Tregtisë për Megaspeed, këshilltarët e Trump-it diskutojnë shkarkimin e Lutnick-ut • Bessent: Fed nuk duhet të rrisë normat për shkak të shokut energjetik nga lufta me Iranin • Çmimet e prodhuesit në SHBA rriten 0,3 për qind në tetor, norma vjetore 6,5 për qind më e larta që nga nëntori 2022 • Van Hollen sfidon Schumer-in për lider të mazhorancës në Senat: na duhet udhëheqje e re • Williams: rritje të normave ka gjasa të vijnë, Fed ka ende punë për ta kthyer inflacionin në 2 për qind • Trump emëron një listë dypartiake për SEC dhe CFTC, katër emërime pas një viti boshllëk •
54°F Detroit
Ballina›Bota›SHBA – Paralizohet trafiku ajror, pezullohen të gjitha fluturimet deri në një njoftim të dytë
Bota

SHBA – Paralizohet trafiku ajror, pezullohen të gjitha fluturimet deri në një njoftim të dytë

– Trafiku ajror në Shtetet e Bashkuara të Amerikës është përballur me një ndërprerje të papritur, pasi Administrata Federale e Aviacionit (FAA) ka urdhëruar pezullimin e të gjitha fluturimeve që nisen nga aeroportet amerikane, duke përmendur rrethana të jashtëzakonshme dhe arsye sigurie, raportoi “Reuters”.

Urdhri u dha sot, më 13 nëntor 2026, dhe u kërkonte kompanive ajrore, të mbanin në tokë avionët që do të niseshin, deri në një njoftim të dytë.

Sipas raportimeve, vendimi erdhi pas problemeve serioze në komunikimin mes kontrollorëve të trafikut ajror, të cilat fillimisht u evidentuan në Çikago.

Pezullimi preku aeroportet amerikane dhe kishte karakter kombëtar. Megjithatë, nuk bëhej fjalë për ndalimin e të gjitha fluturimeve.

Avionët që ishin nisur tashmë mund të vazhdonin fluturimin dhe të uleshin në destinacion.

Fluturimet ndërkombëtare që mbërrinin në SHBA, do të trajtoheshin rast pas rasti, sipas udhëzimeve të autoriteteve amerikane.

Problemet e komunikimit në sistemin e kontrollit të trafikut ajror, u raportuan fillimisht në zonën e Çikagos dhe më pas situata çoi në vendimin për ndalimin e nisjeve në shkallë kombëtare.

FAA nuk dha hollësi për shkakun teknik të ndërprerjes dhe as për kohëzgjatjen e saj.

Autoritetet nuk konfirmuan nëse bëhej fjalë për një defekt të vetëm apo për disa probleme të njëkohshme në sistemin e komunikimit.

Sipas raportimeve, bëhet fjalë për një nga rastet e rralla, kur autoritetet amerikane kanë urdhëruar ndalimin kombëtar të nisjeve të avionëve.

Një masë e ngjashme ishte marrë në janar 2023, pas një defekti në sistemin e njoftimeve për sigurinë e fluturimeve (NOTAM).

Ndërprerja vjen në një kohë kur SHBA-ja po përballet me nevojën për modernizimin e infrastrukturës së kontrollit të trafikut ajror.

Kongresi kishte miratuar më parë 12,5 miliardë dollarë për përmirësimin e sistemeve të komunikimit të FAA-së.

Situata mbetet në zhvillim, ndërsa kompanitë ajrore dhe pasagjerët, janë udhëzuar të ndjekin njoftimet zyrtare për rifillimin e fluturimeve. /

Lini një koment

● Artikuj të ngjashëm