Veliaj i shkruan Asamblesë së PS: Partia është më e madhe se kryetari, të aktivizohet mocioni i mosbesimit ndaj Ramës

Kryebashkiaku i Tiranës, Erion Veliaj, i cili ndodhet në paraburgim prej muajsh, i ka drejtuar një letër Asamblesë së Partisë Socialiste, e cila mblidhet sot, të shtunën e 14 nëntorit 2026, siç njofton Shqiptarja.com. Në letër ai u kërkon krerëve të Asamblesë të marrë pjesë në punimet e saj, ku pritet të flasë edhe kryetari Edi Rama.

Veliaj ka publikuar fjalimin që do të mbante sot, me titullin “PS është më e madhe se kryetari i saj”, drejtuar Asamblesë Kombëtare të PS dhe Sekretarit të Përgjithshëm Bledi Çuçi.

Në fjalim ai kërkon reflektim e jo përjashtim, debat të hapur e jo heshtje, llogaridhënie dhe aktivizimin e mocionit të mosbesimit ndaj kryetarit Rama në çdo nivel, si dhe rikthimin e statutit, të garës dhe të zërit të anëtarësisë.

“Askush nuk mund ta mbajë peng partinë, as kryetari i saj”, thuhet në fjalim, ku theksohet gjithashtu se “Partia Socialiste është më e madhe se kushdo prej nesh dhe më e madhe se kryetari i saj”.

Asambleja Kombëtare e PS mblidhet sot në orën 10:00 me rreth 300 anëtarë. Në rend dite janë analiza e zgjedhjeve, statuti i ri dhe fjala e Ramës.