E shtunë, 14 Nëntor 2026
Lajmet e fundit
Carney: përparim drejt marrëveshjes tregtare me SHBA-në pas bisedimeve të gjata me Trump-in • AP shpall fitues demokratin Kreiss-Tomkins në garën për guvernator të Alaskës • FAA heq ndalimin e fluturimeve në të gjithë SHBA-në, pas mijëra anulimeve • Rubio sulmon Gjykatën Penale Ndërkombëtare: Nuk do t’u nënshtrohemi gjyqtarëve radikalë • Jefferson i Fed-it: sinjalin për politikën monetare po e marr nga inflacioni • Shtëpia e Bardhë konfirmon takimin trepalësh Trump–Xi–Putin të enjten në Shenzhen, në fokus armët bërthamore • AP shpall fituese demokraten Laubacher, Lauren Boebert humbet në distriktin më të kuq të Kolorados • Hassett mohon raportin për largimin nga Shtëpia e Bardhë: ‘Nuk është e vërtetë’ • Daly e Fed-it: me shumë gjasa do të na duhet të rrisim normat, problemi kryesor është inflacioni • Collins: rritje të tjera të normave po vijnë, Fed mund të shtrëngojë më shumë nga sa pritej •
54°F Detroit
Ballina›Bota›SHBA – Hiqet pezullimi kombëtar i fluturimeve, por priten ende vonesa dhe anulime
Bota

SHBA – Hiqet pezullimi kombëtar i fluturimeve, por priten ende vonesa dhe anulime

SHBA – Hiqet pezullimi kombëtar i fluturimeve, por priten ende vonesa dhe anulime

UASHINGTON, 14 nëntor /ATSH-DPA/ – Administrata Federale e Aviacionit në SHBA (FAA) hoqi pezullimin kombëtar të fluturimeve, pas rreth katër orësh ndërprerjeje, të shkaktuar nga probleme në komunikimin e kontrollit të trafikut ajror.

Megjithatë, pritet që çrregullimet në transportin ajror të vazhdojnë.

Gjatë ndërprerjes u anuluan mijëra fluturime, duke lënë dhjetëra mijëra pasagjerë të bllokuar në aeroportet amerikane.

FAA deklaroi se përpara rifillimit të fluturimeve kreu testime të hollësishme për të garantuar stabilitetin dhe besueshmërinë e sistemeve.

Disa nisje fluturimesh kanë rifilluar tashmë.

Sekretari amerikan i Transportit, Sean Duffy, paralajmëroi se rikthimi në normalitet do të kërkojë kohë, veçanërisht për shkak të disponueshmërisë së ekuipazheve të kompanive ajrore.

Ai shprehu shpresën se numri i fluturimeve do të rritet sot.

Avionët që ndodheshin në ajër në momentin e hyrjes në fuqi të pezullimit u lejuan të uleshin normalisht.

Megjithatë, situata mbetet e ndërlikuar, pasi avionët dhe ekuipazhet janë jashtë pozicioneve të planifikuara, duke krijuar një efekt zinxhir me vonesa dhe anulime të mundshme edhe pas heqjes së kufizimeve. /Ad.Ab./ a.jor.

Lini një koment

● Artikuj të ngjashëm