Historia e padëgjuar/ “I përlotur? E kishte bërë që 15 vjeç”, trajneri i parë i Ernest Muçit: Shqipëria të mendojë mirë, duhet…
Nga Emanuel Loci, Panorama Sport
Ernest Muçi është lideri i ri i Kombëtares shqiptare. Fenomen te Trabzonspori, ndërsa edhe te kuqezinjtë po merr më në fund vëmendjen e duhur që prej shtatorit.
Eduard Zhupa ka zbuluar prapaskena për Muçin. Ylli pogradecar ishte pikërisht pjesë e akademisë së Zhupës, nga mosha 12 deri në 15 vjeç, para se të bënte hapa drejt futbollit profesionist. Duke folur për “Mega Sport”, ish-trajneri i Partizanit tregoi se të njëjtin gol si ndaj Finlandës e ka parë te Muçi në moshën 15-vjeçare.
Ke nxjerrë Muçin? “Stërvitje se për të dalë, ka dalë vetë ai. E kam pasur 3 vite. Nga mosha 12 deri në 15 vjeç”.
Të respekton Muçi? “Jemi takuar, më ka dërguar një uniformë të Trabzonsporit me numrin 10”.
Je përlotur kur e ke parë? “Ky goli që bëri tani, e ka bërë kështu një në Venecia në moshën 15 vjeç. Ai e ka të lindur atë. Njësoj. Këto cilësi i ka pasur që kur ka qenë i vogël”.
Çfarë i mësove Muçit? “E kam stërvitur dhe edukuar se mësimin e ka vetë ai. Talentin ia ka dhënë Zoti. Shqipëria duhet të mendojë mirë”.
Pozicioni i tij më i mirë? “Muçi luan pas dy sulmuesve. Në qendër. Leje lojtar të lirë, të lëvizë nga krahu i djathtë dhe majtë, jepi topin në këmbë”.
Bashkëpunimi me Salah? “Zonat boshe. Muçi e ka intuitë atë pjesë. Edhe pa parë fare ia jep topin”.
“Ka edhe diçka. Muçi duhet të fillojë të gjuajë goditjet standarde te Kombëtarja. I qan. Edhe këndoret. Duhet të fillojë edhe te Kombëtarja.
Ai është rritur edhe nga ana fizike. Ne në disa stërvitje që kemi bërë në atë kohë, janë stërvitje shumë bashkëkohore. Dhe cilësitë e Muçit, duke filluar që në shpejtësinë e topit, driblim, goditjet nga anësoret, të gjitha kanë qenë mbi nivelin 9,5. Notat. Ai ka startin. Nuk flasim për volum, por shpejtësi”, u shpreh Zhupa.