E hënë, 16 Nëntor 2026
54°F Detroit
Ballina›Kosova›Çitaku: Pas rivotimit, edhe ndërkombëtarët të kontribuojnë në ndryshimin e Ligjit për Specialen

Çitaku: Pas rivotimit, edhe ndërkombëtarët të kontribuojnë në ndryshimin e Ligjit për Specialen

Ushtruesja e detyrës së presidentes së Kosovës, Vlora Çitaku, deklaroi sot se pas votimit për ndryshimin e Ligjit për Gjykatën Speciale duhet të kontribuojnë edhe partnerët ndërkombëtarë, siç njofton Radio Evropa e Lirë. Deklarata u bë në një konferencë për media pas kthimit të saj nga Samiti i Këshillit të Evropës në Riga të Letonisë.

“Për shkak të specifikave të Ligjit të Speciales dhe për shkak të faktit që në shumë raste Gjykata Speciale është produkt i legjislacionit vendor por i mbështetur nga ndërkombëtarët, vlerësoj se pas rivotimit, është shumë me rëndësi që për ndryshimet e mundshme në Ligjin për Specialen të kontribuojnë edhe ndërkombëtarët”, tha Çitaku. Ajo theksoi se është me rëndësi që partnerët ndërkombëtarë të jenë të informuar për Ligjin për Gjykatën Speciale, por nuk dha hollësi se si do të ndihmonin ndërkombëtarët në këtë drejtim.

Gjatë fundjavës, partitë politike paralajmëruan se të hënën, më 16 nëntor, Ligji për Gjykatën Speciale do të kthehet në Kuvend për votim. Projektligji ishte rrëzuar të enjten e kaluar me 42 vota pro dhe 56 kundër, dhe u rikthye në rend dite pasi një grup prej 22 deputetësh e rinisën atë.

Projektligji parashikon amnisti për të akuzuarit në Hagë, përveç atyre që janë dënuar tashmë për krime të luftës. Amnistia do të prekte edhe të akuzuarit në liri dhe të paraburgosurit e padënuar, përfshirë ish-krerët e UÇK-së që gjykohen në Hagë.

Në prag të kthimit në votim, kryeministri në detyrë Albin Kurti u bëri thirrje deputetëve të mos votojnë për amnisti, duke thënë se ligji do t’i prekte edhe personat e akuzuar për vrasjen e dëshmitarëve dhe për pengim të drejtësisë.

Lini një koment