E martë, 17 Nëntor 2026
54°F Detroit
Ballina›Futbolli ne Kosove›Formacioni i mundshëm i Irlandës ndaj Kosovës, mungesa e madhe është Nathan Collins

Formacioni i mundshëm i Irlandës ndaj Kosovës, mungesa e madhe është Nathan Collins

Irlanda po përgatitet për duelin me Kosovën sonte në “Aviva Stadium” të Dublinit, që nis në orën 20:45, ndërsa trajneri Heimir Hallgrimsson pritet të bëjë disa zgjedhje të rëndësishme në formacionin e parë, siç raporton Telegrafi.

Mungesa më e ndjeshme për vendasit pritet të jetë ajo e kapitenit Nathan Collins, një nga shtyllat e mbrojtjes. Në vend të tij, në treshen mbrojtëse pritet të luajë Jake O’Brien, mbrojtësi i Evertonit.

Sipas parashikimeve, Irlanda pritet të rreshtohet me skemën 3-4-2-1, me Caoimhin Kelleher në portë, ndërsa O’Brien, Dara O’Shea dhe Liam Scales pritet të formojnë linjën e mbrojtjes.

Në mesfushë pritet të aktivizohen Festy Ebosele Abankwah, Conor Coventry, Jayson Molumby dhe Ryan Manning, ndërsa pas sulmuesit kryesor Troy Parrott pritet të luajnë Adam Idah dhe Jack Moylan.

Formacioni i mundshëm i Irlandës (3-4-2-1): Kelleher; O’Shea, O’Brien, Scales; Abankwah, Coventry, Molumby, Manning; Moylan, Idah; Parrott.

Lini një koment