Polici i Detroitit plagoset aksidentalisht brenda ndërtesës se Bashkise

Një efektiv i policisë së Detroitit mbeti i plagosur mëngjesin e së premtes, më 3 prill, pas një incidenti që autoritetet e kanë cilësuar si tërësisht aksidental brenda Coleman A. Young Municipal Center, në qendër të Detroitit.

Sipas policisë, oficeri ka qëlluar veten pa dashje rreth orës 9:25 të mëngjesit, ndërsa ndodhej në një tualet në katin e parë të ndërtesës, në pjesën që përdoret nga administrata e qytetit.

Zëdhënësja e autoritetit që menaxhon ndërtesën, Sharon Banks, konfirmoi se në incident nuk ishte përfshirë asnjë person tjetër dhe nuk pati të plagosur të tjerë.

Oficeri u transportua menjëherë në një spital lokal, ku sipas policisë ndodhet në gjendje të qëndrueshme dhe jashtë rrezikut për jetën.

Ngjarja po hetohet nga autoritetet për të përcaktuar rrethanat e sakta të incidentit, ndërsa policia ka theksuar se bëhet fjalë për një aksident dhe jo për një akt të qëllimshëm.

Ky incident ka ngritur shqetësime për sigurinë në përdorimin e armëve nga efektivët, edhe pse raste të tilla mbeten relativisht të rralla.