E enjte, 19 Nëntor 2026
54°F Detroit
Ballina›Bota›BERLIN – Merz: Lufta në Ukrainë mund të përfundojë vetëm përmes diplomacisë

BERLIN – Merz: Lufta në Ukrainë mund të përfundojë vetëm përmes diplomacisë

BERLIN, 19 nëntor /ATSH-DPA/ – Kancelari gjerman, Friedrich Merz ka deklaruar se lufta në Ukrainë mund të marrë fund vetëm përmes një zgjidhjeje diplomatike, duke theksuar se Evropa është e gatshme të marrë pjesë aktive në këtë proces.

“Ne e dimë se kjo luftë do të përfundojë vetëm nëse arrihet një zgjidhje diplomatike”, deklaroi sot Merz, pas një takimi të të ashtuquajturit “Koalicioni i të Vullnetëshmeve” në Berlin.

Megjithatë, ai theksoi se çdo marrëveshje paqeje duhet të garantojë ruajtjen e integritetit territorial të Ukrainës, t’i sigurojë asaj garanci të forta për sigurinë dhe ta përfshijë vendin në arkitekturën evropiane të sigurisë.

Kancelari gjerman bëri të ditur gjithashtu se Evropa është e gatshme të zhvillojë bisedime të drejtpërdrejta me presidentin rus Vladimir Putin për çështjet që lidhen me përfundimin e luftës dhe të ardhmen e sigurisë në kontinent.

Sipas tij, këto kontakte mund të zhvillohen në vende neutrale, duke përmendur si një mundësi Emiratet e Bashkuara Arabe.

Kancelari Merz nënvizoi se zgjedhja e një territori neutral për zhvillimin e negociatave është një element i rëndësishëm për krijimin e kushteve të përshtatshme të dialogut.

Kjo deklaratë sinjalizon gatishmërinë e Berlinit për të shqyrtuar edhe kontakte diplomatike me Moskën, në kuadër të përpjekjeve për një zgjidhje të negociuar të konfliktit.

Koalicioni i të u krijua në fillim të vitit 2025 me synimin për të mbështetur Ukrainën përballë agresionit rus. /Ad.Ab./ a.jor.

Lini një koment