Policia bëhet gardh para Ministrisë së Arsimit, protestuesit nuk lejohen të bllokojnë Rrugën e Durrësit
Studentë, qytetarë dhe përfaqësues të shoqërisë civile vijojnë rezistencën e tyre para Ministrisë së Arsimit në Tiranë, ndërsa janë përfshirë në debate me punonjësit e Policisë, të cilët nuk i lejojnë të bllokojnë Rrugën e Durrësit, siç njofton BalkanWeb.
Siç shihet edhe nga pamjet live të transmetuara nga News24, forca të shumta policie kanë ndërhyrë për të penguar bllokimin e rrugës, duke i shtyrë protestuesit të qëndrojnë në trotuar.
Protesta zhvillohet në vijim të marshimit të studentëve dhe qytetarëve drejt Ministrisë së Arsimit, në ditën e 175-të të revoltës kundër qeverisë.
Prej muajsh vendi është përfshirë nga protesta kundër qeverisë dhe kryeministrit Edi Rama, ku kërkesa kryesore e protestuesve vijon të jetë dorëheqja e tij.