Rinovat e Flyers fitojnë përvojë të vlefshme nga rrugëtimi në playoff
Philadelphia arriti në raundin e dytë të Stanley Cup Playoffs, duke mundur Pittsburgh Penguins në gjashtë ndeshje dhe pastaj u eleminua nga Carolina Hurricanes me sweep në katër ndeshje. Gjatë këtij rrugëtimi, 13 lojtarë bënë debutimin e tyre në play-off, përfshirë pesë rookie dhe nëntë lojtarë të moshës 24 vjeç e më të rinj, një kapital për të ardhmen e skuadrës, siç vëretoi edhe drejtori i përgjithshëm Daniel Briere.
Sipas nhl, ndër emrat e rinj që dhanë kontribut të rëndësishëm ishin sulmuesit Porter Martone, Denver Barkey dhe Alex Bump. Martone shënoi 10 pikë (4 gola, 6 asistime) në nëntë ndeshje të rregullta dhe realizoi golin vendimtar në Ndeshjet 1 dhe 2 të raundit të parë; në total pati pesë pikë dhe 23 gjuajtje në 10 ndeshje të play-off. Barkey u ngjit nga Lehigh Valley në dhjetor dhe mori 17 pikë në 43 ndeshje të sezonit të rregullt; në dy ndeshjet e fundit kundër Carolinas luajti si qendër dhe mbylli play-off me dy pikë në 10 ndeshje. Bump u tërhoq nga AHL në mars, dhuroi nëntë pikë në 17 ndeshje të rregullta dhe debutoi në play-off në Ndeshjen 5 kundër Penguins, duke përfunduar me dy gola në gjashtë ndeshje.
Lojtarët përshkruan përvojën si një shkollim të rëndësishëm. Barkey tha se ndeshjet e play-off i dhanë një pasqyrë të asaj çfarë kërkohet për të pasur sukses në nivele të larta dhe i vunë në dukje pikat ku duhet të punojnë për sezonin e ardhshëm. Matvei Michkov theksoi dëshirën për të shkuar më larg sesa raundi i dytë, ndërsa veteranët, si Garnet Hathaway, vunë theksin tek mirënjohja dhe uria për të përmirësuar më tej nivelin e ekipit.
Skuadra përballet gjithashtu me një listë lëndimesh që duhet ti trajtojë: Hathaway me fibulën e thyer, Bump me një tendosje të MCL, Christian Dvorak me brinj të thyer dhe shpatull të ndarë, Travis Konecny me brinj të thyer dhe frakturë nazale, Trevor Zegras me ligament të bërrylit të tendosur, Emil Andrae me dorën e thyer (që do ti nëvojitet operacion), Cam York me brinj të thyer, Owen Tippett që mungoi për shkak të një problemi të brendshëm me gjakderdhje dhe një hernie sportive për të cilën pritet vendimi, dhe Noah Cates i cili humbi dy ndeshjet e fundit për shkak të këmbës së thyer.
Pas pushimit të sezonit, prioriteti do të jetë rikuperimi dhe përforcimi fizik, por edhe ndërtimi mbi përvojën e fituar: të rinjtë që hynë dhe morën role kyçe do të përpiqen të rriten në forcë dhe shpejtësi për ta çuar skuadrën më tej sezonin e ardhshëm. Sipas nhl, kjo përvojë e përbashkët duhet të jetë baza për të synuar raunde më të thella dhe për të rritur pritshmëritë brenda dhomës së zhveshjes.
