Policia plan masash për “Turin Çiklistik të Shqipërisë 2026”, ja akset që do të bllokohen

Policia e Shtetit ka bërë publike planin e masave për garantimin e mbarëvajtjes së aktivitetit ndërkombëtar sportiv “Turi Çiklistik i Shqipërisë 2026”, i cili do të zhvillohet në datat 18-22 maj në disa prej akseve kryesore të vendit.

Edicioni i 83-të i turit çiklistik do të organizohet në bashkëpunim me Federatën Shqiptare të Çiklizmit, Ministrinë e Turizmit, Kulturës dhe Sportit, Komitetin Olimpik Kombëtar Shqiptar dhe bashkitë përkatëse, ndërsa në garë do të marrin pjesë skuadra nga Shqipëria, vendet e Ballkanit dhe Europa.

Për garantimin e rendit publik, sigurisë rrugore dhe eskortimin e çiklistëve gjatë gjithë itinerarit, Policia e Shtetit do të angazhojë strukturat vendore, Policinë Rrugore dhe shërbimet mbështetëse.

Itinerari dhe akset që do të bllokohen

Etapa I – 18 maj 2026
Orari i bllokimit: 12:00

Sheshi “Skënderbej” – bulevardi “Zogu i Parë” – rruga “Dedë Gjo Luli” – rruga “Myslym Shyri” – bulevardi “Dëshmorët e Kombit” – rruga “Lekë Dukagjini” – rruga “Ibrahim Rugova” – bulevardi “Gjergj Fishta” – Unaza e Madhe – autostrada Tiranë–TEG–Thumanë–Milot–Rrëshen–Reps – kthimi për në Milot – finishi në Lezhë.

Etapa II – 19 maj 2026
Orari i bllokimit: 12:00

Lezhë – Vorë – Golem – Rrogozhinë – finishi në Elbasan.

Etapa III – 20 maj 2026
Orari i bllokimit: 12:00

Elbasan – Belsh – Kuçovë – Lushnjë – Unaza e Fierit – finishi në Vlorë.

Etapa IV – 21 maj 2026
Orari i bllokimit: 12:00

Vlorë – Tuneli i Llogarasë – Himarë – Kuç – Lepincë – Kotë – finishi në Vlorë.

Etapa V – 22 maj 2026
Orari i bllokimit: 10:00

Vlorë – Rrethrrotullimi i Lushnjës – finishi në Fier.

/tvklan.al