Departamenti i Drejtësisë pritet të njoftojë akuzën ndaj Raúl Castro në Miami

Departamenti i Drejtësisë pritet të bëjë publike të mërkurën akuzat penale ndaj ish-udhëheqësit kuban Raúl Castro në një ceremoni që do të zhvillohet në Miami. Burime të afërta me hetimin thonë se çështja lidhet me rrëzimin e vitit 1996 të avionëve të organizatës humanitare Brothers to the Rescue.

Sipas CBS News, Castro, 94 vjeç, po akuzohet lidhur me atë incident që shkaktoi vdekjen e disa anëtarëve të grupit, dhe hetimet amerikane synojnë të përcaktojnë përgjegjësinë për ngjarjen.

Departamenti i Drejtësisë kishte njoftuar më parë një aktivitet të mërkurën në Freedom Tower të Miamit, në kuadër të një ceremonie përkujtimore për viktimat e rrëzimit të avionëve, që shënon 30 vjetorin e ngjarjes. Jose Basulto, themeluesi i Brothers to the Rescue, u shpreh se shpresonte që njoftimi të përfshinte ngritjen e akuzave, duke thënë se “është koha që ata të paguajnë”.

Raúl Castro u largua zyrtarisht nga drejtimi i Partisë Komuniste të Kubës në 2021, por vazhdon të konsiderohet një nga figurat më me peshë në vend. Raporton CBS News se zhvillimet në Miami mund të sjellin qartësi mbi rolit e udhëheqësisë kubane në incidentin e vitit 1996.