Dy viktima nga aksidenti tragjik në Orion Township
Një aksident i rëndë rrugor në Orion Township ka marrë jetën e dy personave, bëri të ditur Zyra e Sherifit të Qarkut Oakland.
Sipas autoriteteve, Alfred Henry Young, 86 vjeç, dhe bashkëshortja e tij, Florence Anna Young, 86 vjeç, ndërruan jetë si pasojë e plagëve të marra në përplasjen frontale.
Ngjarja ndodhi rreth orës 1:11 pasdite, të shtunën, më 11 prill, pranë kryqëzimit të Lapeer Road me Greenshield Road.
Policia bëri të ditur se një burrë 63-vjeçar nga Hazel Park, i cili po drejtonte një mjet tip Ford Fiesta në drejtim të veriut në Lapeer Road, humbi kontrollin e automjetit, doli nga rruga dhe kaloi në median ndarëse.
Mjeti më pas hyri në korsinë e kundërt, ku u përplas kokë më kokë me një Lincoln MKX.
Alfred dhe Florence Young ndodheshin në automjetin Lincoln dhe u transportuan menjëherë në spital, ku më vonë humbën jetën si pasojë e plagëve të rënda.
Ndërkohë, drejtuesi i Ford Fiesta-s dhe bashkëshortja e tij 60-vjeçare ndodhen ende të shtruar në spital në gjendje kritike.
Autoritetet theksuan se alkooli, droga dhe shpejtësia nuk dyshohet të kenë qenë faktorë në këtë aksident. Hetimet për zbardhjen e plotë të rrethanave vijojnë.
