Finalistët për stolin e trajnerit të Trail Blazers pas periudhës së përkohshme të Tiago Splitter
Portland Trail Blazers po kërkojnë trajner të përhershëm pas sezonit ku Tiago Splitter shërbeu si trajner i përkohshëm. NBA insider Chris Haynes raportoi se klubi ka kërkuar leje për të intervistuar ndihmës-trajnerin e Los Angeles Clippers, Jeff Van Gundy, i cili po konsiderohet si një nga kandidatët kryesorë.
Po ashtu, raporton Bleacher Report, gazetari Marc Stein ka njoftuar se në mesin e finalistëve figurojnë edhe Tiago Splitter dhe ndihmëstrajneri i Minnesota Timberwolves, Micah Nori.
Si trajner i përkohshëm, Splitter regjistroi bilancin 42-39 dhe e udhëhoqi skuadrën në Playoff, ku Blazers u eleminuan në raundin e parë nga San Antonio Spurs. Jake Fischer raportoi se, pas fillimit me pesimizëm për shanset e Splitter për ta marrë postin në mënyrë të përhershme, së fundmi janë përhapur teori që nuk e përjashtojnë më plotësisht mundësinë e tij.
Jeff Van Gundy vjen me përvojë të gjatë në krye të një skuadre: ai drejtoi New York Knicks nga sezoni 1995-96 deri në 2001-02, dhe Houston Rockets nga 2003-04 deri në 2006-07. Në karrierën e tij ka bilanc të përgjithshëm 430-318, nëntë paraqitje në playoff dhe udhëhoqi Knicks deri në Finalet e NBA-së të vitit 1999; së fundi ka qenë pjesë e stafit të Clippers për dy sezonet e fundit.
Portland ka një bërthamë të re me Deni Avdija dhe Scoot Henderson, ndërsa Damian Lillard pritet të rikthehet pas mungesës në sezonin 2025-26 për shkak të rikuperimit nga dëmtimi i akilit. Shtimi i një trajneri me përvojë si Van Gundy mund të ndryshojë dinamikën e klubit dhe ta bëjë atë më konkurrent në Konferencën Perëndimore, sipas Bleacher Report.
