Trump: SHBA po i afrohen një marrëveshjeje me Iranin
Presidenti Donald Trump deklaroi se Shtetet e Bashkuara po afrohen drejt finalizimit të një marrëveshjeje me Iranin, teksa negociatorët vazhdojnë diskutimet mbi elemente kyçe të marrëveshjes.
Sipas CBS News, propozimi i fundit përfshin një proces për rihapjen e ngushticës së Hormuzit, lirimin e disa aseteve iraniane të ngrira në banka të huaja dhe vazhdimin e negociatave. Trump nuk dha detaje të plota, por u shpreh se situata përmirësohet ”çdo ditë bëhet më mirë e më mirë” dhe shtoi se nuk do të zbulojë informacion para se ta njoftojë palën tjetër.
Ai pohoi se beson se një marrëveshje përfundimtare do të parandalojë Iranin të arrijë armë bërthamore dhe se nuk do të diskutonte mundësinë nëse nuk ishte i bindur për këtë efekt. Trump theksoi se do të nënshkruajë vetëm një marrëveshje ku SHBA do të arrinte të gjitha kërkesat e tyre dhe se çështja e uraniumit të pasuruar do të trajtohej në mënyrë të kënaqshme.
Burime thanë se presidenti po shqyrton ende propozimet, konsultohet me këshilltarët dhe po bisedon me udhëheqës të huaj, përfshirë ata të Arabisë Saudite dhe vendeve të Gjirit. Është planifikuar një konferencë telefonike me udhëheqës të vendeve të Gjirit për të diskutuar negociatat, dhe disa zyrtarë rajonalë kanë thënë se nuk dinë se për cilën opsion po përqendrohet Trump. Po ashtu, Marco Rubio deklaroi se mund të ketë zhvillime gjatë ditës.
Ndërsa bisedimet vazhdojnë dhe administrata vazhdon konsultimet me partnerët rajonalë, Raporton CBS News se informacionet për negociatat do të përditësohen teksa palët shqyrtojnë detajet e propozimeve.
