Pam Bondi në trajtim për kancer të tiroides pas largimit nga Departamenti i Drejtësisë

Ish-prokurorja e përgjithshme Pam Bondi po i nënshtrohet trajtimit për kancer të tiroides. Ajo u diagnostikua pas largimit nga Departamenti i Drejtësisë në prill dhe iu nënshtrua një operacioni para disa javësh. Bondi u largua nga posti më 2 prill dhe detyrën e mori përkohësisht Zv/Prokurori i Përgjithshëm Todd Blanche.

Siç raporton CBS News, Bondi i shkruajti kështu në një shkëmbim mesazhesh tekst të mërkurën, duke konfirmuar diagnozën dhe ndërhyrjen kirurgjikale. Në një deklaratë të mërkurën, nënkryetari JD Vance e përshkroi Bondin si një pjesë të vlefshme të ekipit të presidentit dhe u shpreh i kënaqur që ajo do të vazhdojë të angazhohet në çështje të rëndësishme të administratës.

Axois ishte i pari që raportoi për diagnozën dhe po ashtu se Bondi ishte përzgjedhur për një komision këshillimor presidencial të fokusuar në politikën e inteligjencës artificiale, Presidential Council of Advisors on Science and Technology. Ajo është e parashikuar të dëshmojë të premten para Komitetit të Mbikëqyrjes së Dhomës së Përfaqësuesve lidhur me menaxhimin e publikimit të dosjeve të Jeffrey Epstein, temë që krijoi polemika gjatë kohës së saj në detyrë. Mandati i saj përfundoi pas pakënaqësive mbi mënyrën se si ndoqen prioritetet e presidentit brenda Departamentit të Drejtësisë.

Sipas CBS News, inspektori i brendshëm i Departamentit të Drejtësisë njoftoi muajin e kaluar se do të kryejë një auditim për përputhshmërinë me ligjin që kërkonte publikimin e dosjeve të Epstein, pas muajsh kritikash dypartiake mbi mënyrën e trajtimit të kësaj çështjeje; situata pritet të trajtohet edhe gjatë dëshmisë së saj të planifikuar.