Bordi i Transparencës ul me 2 lekë çmimin e naftës
Bordi i Transparencës, në mbledhjen e kësaj të hëne, ka vendosur ndryshimin e çmimeve tavan të shitjes së karburanteve në tregun vendas.
Kështu sipas vendimit, nafta me shumicë ulet me 2 lekë, ndërsa benzina me 1 lekë.
Çmimet e reja:
-Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 185 lekë/litri, ndërsa i shitjes me shumicë jo më shumë se 173 lekë/litër.
-Çmimi i shitjes me pakicë i nënproduktit benzinë e standardit SSH EN të jetë jo më shumë se 173 lekë/litri, ndërsa i shitjes me shumicë jo më shumë se 161 lekë/litër.
Çmimet e reja hyjnë në fuqi sot në orën 13:00 dhe do të jenë të vlefshme deri në mbledhjen e radhës së Bordit, ku do të rishikohen në varësi të ndryshimeve në tregun ndërkombëtar.
Bordi i Transparencës ka tërhequr vëmendjen e të gjithë operatorëve të tregtimit me shumicë dhe pakicë për zbatimin e vendimit, ndërsa thekson se në rast shkeljesh do të vendoset pezullimi i aktivitetit.
/tvklan.al
