John Bolton pranon fajin për mbajtjen e informacionit të klasifikuar
John Bolton, ish-këshilltar për sigurinë kombëtare i administratës Trump, pranoi të premten fajin për një akuzë për mbajtjen e informacionit të klasifikuar dhe ra dakord të paguajë një gjobë prej 2.25 milionë dollarësh. Gjyqtari federal Theodore D. Chuang miratoi marrëveshjen në seancë, ndërsa dënimi është caktuar të shqiptohet më 28 tetor. Bolton i tha gjykatës se deklarata e qeverisë ishte “accurate”, konfirmoi se kishte kryer veprimet e përshkruara duke thënë “I did, your honor” dhe shtoi se ishte “sorry for it”.
Siç raporton CBS News, prokurorët e akuzuan Bolton vitin e kaluar me 18 akuza lidhur me trajtimin e informacioneve të ndjeshme: tetë akuza për transmetim të informacionit të mbrojtjes kombëtare dhe 10 akuza për mbajtje të tij. Aktakuza pretendon se, nga prilli i 2018-s deri në gusht 2025, Bolton u dërgoi dy të afërmve më shumë se 1,000 faqe me shënime “në formë ditari”, disa prej të cilave përmbanin informacion të klasifikuar, dhe mbajti në shtëpinë e tij në Qarkun Montgomery dokumente dhe shënime të lidhura me mbrojtjen kombëtare. Prokurorët thonë se ai i transmetonte këto materiale përmes aplikacioneve komerciale të mesazheve dhe llogarive personale të postës elektronike, përfshirë shërbime si AOL dhe Google.
Sipas CBS News, marrëveshja e pranimit përfshin një maksimum dënimi me burg federal deri në 60 muaj, detyrimin për të paguar gjobën prej 2.25 milionë dollarësh, detyrimin për t9u debriefuar me zyrtarët e sigurisë kombëtare dhe kryerjen e 100 orëve shërbimi komunitar për të ndihmuar në parandalimin e zbardhjes së paligjshme të informacionit të klasifikuar. Avokati i Departamentit të Drejtësisë, Tanner Kroeger, lexoi para gjykatës përmbledhjen e fakteve, dhe Bolton pranoi marrëveshjen të cilën gjykatësi e miratoi.
