Rifillojnë transportet direkte të mallrave nga Emiratet Bashkuara Arabe në Iran

Një zyrtar iranian ka bërë të ditur se rrugët e drejtpërdrejta të transportit të mallrave nga Emiratet e Bashkuara Arabe në Iran janë rikthyer, duke sinjalizuar normalizim të marrëdhënieve tregtare mes dy vendeve.

Ali Emami, drejtor i përgjithshëm i logjistikës dhe mbështetjes në Organizatën e Zhvillimit të Tregtisë së Iranit, tha se operacionet e transportit tashmë po kryhen drejtpërdrejt dhe marrëdhëniet tregtare janë kthyer në normalitet, sipas Agjencisë së Lajmeve Mehr.

Nga ana e Emirateve të Bashkuara Arabe nuk ka pasur ende një reagim zyrtar mbi këtë njoftim.

Lajmi vjen pas raportimeve për rifillimin e fluturimeve direkte mes Teheranit dhe Dubait, si dhe pas njoftimeve për riaktivizimin e shkëmbimeve tregtare përmes Portit Jebel Ali.