“Kujdes nga ekspozimi në diell”, dermatologia: Duhet mbrojtje maksimale

Korriku njihet si muaji ku frekuentimi i plazheve dhe pishinave arrin kulmin. Mjekët dermatologë rekomandojnë frekuentimin e këtyre mjediseve në orët e para të mëngjesit, kur ekspozimi ndaj rrezeve ultraviolet është edhe më i vogël.

Kujdes më i veçantë duhet bërë për disa persona që janë edhe më të rrezikuar. Aplikimi i nxirjeve artificiale, sipas dermatologes Monika Fida, do të na çonte drejt kancerit të lëkurës.

Konsulta me mjekun dermatolog për kontrollin e nishaneve përpara ekspozimit në diell, sipas mjekes, bën të mundur kapjen në kohë të kancerit të lëkurës, i cili mund të jetë edhe fatal.