Inflacioni i qershorit u ul më shumë se pritej, për shkak të rënies së çmimeve të karburantit

Inflacioni në Shtetet e Bashkuara ngadalësoi më shumë sesa pritej në qershor, duke rënë në një normë vjetore 3.5% nga 4.2% në maj. Ulja e çmimeve të karburantit dha një kontribut të rëndësishëm në ngadalësimin e rritjes së çmimeve.

Sipas CBS News, të dhënat e Departamentit të Punës tregojnë se ekonomistët e anketuar nga FactSet prisnin një inflacion vjetor prej 3.9% për qershorin. Çmimet e benzinës ranë me 9.7% krahasuar me muajin e mëparshëm, duke shënuar tkurrjen mujore më të madhe që nga prilli i vitit 2020, sipas Zyrës së Statistikave të Punës. Indeksi bazë i çmimeve (core CPI), i cili përjashton energjinë dhe ushqimin, u rrit me 2.6% në bazë vjetore, nga 2.9% në maj.

Me zbritjen e çmimeve të naftës dhe benzinës në qershor dhe në fillim të korrikut, Oxford Economics vë në dukje në raportin e datës 14 korrik se maji mund të ketë përfaqësuar kulmin e këtij viti për inflacionin. Indeksi i çmimeve konsumuese (CPI) mat ndryshimet në koston e një shporte mallrash dhe shërbimesh që blehen zakonisht nga konsumatorët.

Treguesit e ardhshëm të çmimeve të energjisë do të jenë vendimtarë për përcaktimin e drejtimit të inflacionit në muajt në vijim; Sipas CBS News.