Dinamo me fitore spektakolare ndaj Astana në transfertë dhe siguron kualifikimin për në raundin e dytë

Dinamo ka përmbysur humbjen 1-0 në shtëpi ndaj Astana dhe ka fituar 1-4 pas kohës shtesë në transfertën e luajtur sot pasdite në Kazakhstan, në turin e parë në Conference League.

Sfida u zhbllokua në minutën e 24-të. Vendasit kaluan të parët në avantazh, falë penalltisë së shndërruar në gol nga Bauyrzhan Islamkhan, pas faullit të Usni Ismailit. Pjesa e parë mbyllet 1-0 për Astanën.

Në pjesën e dytë ndodhu surpriza e madhe. Kipras Kazukolovas ndal topin me dorë brenda zonës dhe ndëshkohet me karton të verdhë, që ishte i dyti për të. Bruno Dita barazon shifrat nga pika e bardhë e penalltisë.

Në minutën e 61-të, Hekuran Berisha shënon një gol tejet të bukur, duke kaluar Dinamon në avantazh. Koha e rregullt mbyllet 1-2. Ndeshja shkon në shtesën prej 30 minutash, ku Dinamo shënoi edhe dy herë të tjera me Lorenco Vila 90+3′ dhe Mostapha Koma 120+4′.

Dinamo do të ndeshet në raundin e dytë në Conference League me humbësin e çiftit Aluminji-Sheriff Tiraspol.