Karoline Leavitt largohet si sekretare e shtypit e Shtëpisë së Bardhë dhe do të shërbejë si këshilltare e jashtme e Trump
Presidenti njoftoi në Truth Social se Karoline Leavitt do të largohet nga posti i sekretares së shtypit në fund të gushtit dhe do të vazhdojë punën si një prej këshilltarëve të tij të jashtëm. Sipas zyrtarëve, arsyeja e përmendur për dorëheqjen është dëshira për të kaluar më shumë kohë me familjen; Leavitt solli në jetë vajzën e dytë në maj dhe së fundmi u rikthye në Shtëpinë e Bardhë.
Siç raporton CBS News, presidenti e përshkroi Leavitt si një nga ndihmësit e tij më të besueshëm dhe tha se ajo do të jetë një zë me ndikim brenda Partisë Republikane ndërsa do të shërbejë si këshilltare e jashtme. Ai e lavdëroi për punën e saj që prej 2018 dhe për kontributin gjatë fushatës së rizgjedhjes së 2024, duke e cilësuar atë si një nga sekretaret më të suksesshme të shtypit në historinë e zyrës.
Leavitt vetë falenderoi presidentin për mundësinë dhe shpjegoi se, pasi u kthye nga lindja e vajzës, ndjeu se nuk mund t9i përkushtohej në të njëjtën kohë rolit të sekretarit të shtypit dhe të ishte nëna që dëshiron për fëmijët e saj. Ajo tha se do të vazhdojë të jetë një avokate e lëvizjes MAGA dhe e Partisë Republikane në rolin e ri jashtë Shtëpisë së Bardë. Kur mori funksionin ishte 27 vjeçe, duke u bërë sekretarja më e re e shtypit në histori; aktualisht është 28 vjeçe.
Nuk është ende i përcaktuar emri i pasuesit apo se kush do të mbulojë postin në periudhën e tranzicionit; Sipas CBS News, detajet rreth zëvendësimit pritet të bëhen publike më vonë.
