E enjte, 19 Nëntor 2026
54°F Detroit
Ballina›Sporti›Abissnet Superiore: Java e 12-të nis të premten dhe mbyllet të dielën

Abissnet Superiore: Java e 12-të nis të premten dhe mbyllet të dielën

Kampionati i Abissnet Superiore, që transmetohet në RTSH, rikthehet këtë të premte me ndeshjet e javës së 12-të, që do të zhvillohet përgjatë tri ditëve, deri të dielën.

Dy takimet e para do të luhen të premten, më 20 nëntor. Në Korçë, Skënderbeu do të presë Egnatian, në orën 16:00. Në orën 18:30, në “Elbasan Arena”, do të luhet sfida AF Elbasani–Dinamo City.

Java do të vijojë të shtunën, më 21 nëntor, me dy takime të tjera. Teuta do të përballet me Laçin në orën 16:00, në stadiumin “Selman Stërmasi”, ndërsa në orën 18:30, në “Air Albania”, do të luhet Partizani–Vllaznia.

Java e 12-të do të mbyllet të dielën, më 22 nëntor, me përballjen Vora–Tirana, që do të zhvillohet në stadiumin e Vorës, në orën 13:30.

Java 12

Skënderbeu–Egnatia, 20.11.2026, 16:00

AF Elbasani–Dinamo City, 20.11.2026, 18:30

Teuta–KF Laçi, 21.11.2026, 16:00

Partizani–Vllaznia, 21.11.2026, 18:30

FK Vora–Tirana, 22.11.2026, 13:30

Ende nuk ka komente. Bëhuni i pari që komenton.

Lini një koment