E hënë, 16 Nëntor 2026
54°F Detroit
Ballina›Kombetarja›Alarm! Maran pranë rekordit historik te Oto Bariç, por për Kombëtaren është shumë shqetësuese

Alarm! Maran pranë rekordit historik te Oto Bariç, por për Kombëtaren është shumë shqetësuese

Trajneri Rolando Maran ka treguar deri tani se nuk mbështetet tek elementet e rinj në fushë.

Lista e Kombëtares ndaj Finlandës tregon 23 lojtarë, që japin një moshë mesatare 28,4 vjeç për futbollist.

Ky është një nga rastet e rralla për Ligën e Kombeve në nëntor. Vetëm Islanda me moshën 28,7 vjeç qëndron mbi kuqezinjtë. Te Kombëtarja, asnjë nuk është më i ri se Luis Hasa. 22 vjeçari ndërkohë nuk projektohet në formacion.

“Panorama Sport”, sjell për herë të parë në vëmendje një rekord historik, i cili mund të thyhet sot më 12 nëntor në “Air Albania”. Maran mund të thyejë rekordin e vendosur nga Oto Bariç, i cili më 11 tetor 2006 ndaj Holandës në transfertë e rreshtoi Shqipërinë me moshën mesatare 29,9 vjeç.

Maran ishte më pranë se kurrë rekordit, pikërisht në sfidën e tij të parë zyrtare ndaj Bjellorusisë. Mosha mesatare e kuqezinjve në “Air Albania” kapi shifrën 29,8 vjeç.

Shifra të tilla janë mjaft shqetësuese për të ardhmen. Megjithatë, Maran shfaqet i fokusuar vetëm te sigurimi i vendit të parë.

Lista me 23 lojtarë nga Maran ndaj Finlandës, mosha mesatare: 28, 4 vjeç:

Etrit Berisha – 37 vjeç

Alen Sherri – 28 vjeç

Mario Dajsinani – 27 vjeç

Mario Mitaj – 23 vjeç

Elseid Hysaj – 32 vjeç

Arlind Ajeti – 33 vjeç

Berat Gjimshiti – 33 vjeç

Naser Aliji – 32 vjeç

Elhan Kastrati – 28 vjeç

Klisman Cake – 27 vjeç

Ardian Ismajli – 30 vjeç

Stavro Pilo – 25 vjeç

Kristjan Asllani – 24 vjeç

Ernest Muçi – 25 vjeç

Qazim Laçi – 30 vjeç

Juljan Shehu – 28 vjeç

Taulant Seferi – 29 vjeç

Ylber Ramadani – 30 vjeç

Luis Hasa – 22 vjeç

Rei Manaj – 29 vjeç

Kristian Shpendi – 23 vjeç

Myrto Uzuni – 31 vjeç

Mirlind Daku – 28 vjeç

Arbër Hoxha – 28 vjeç

Katër lojtarët që u dërguan në tribune:

Samuele Sina – 19 vjeç

Ysni Ismaili – 24 vjeç

Feta Fetai – 21 vjeç

Klevi Qefalija – 22 vjeç

Maran mban vendin e dytë në historinë e Kombëtares, sa i përket formacionit me moshën mesatare më të madhe. Bëhet fjalë për 29,8 vjeç më 26 shtator ndaj Bjellorusisë. Sfida e fituar 2-0 nga kuqezinjtë në “Air Albania”.

Rekordi historik u vendos më 11 tetor 2006, Holandë-Shqipëri (2-1) me Oto Bariç si trajner. Mosha mesatare 29,9 vjeç.

Lini një koment