WWE prezanton ‘John Cena Classic’ me titull të ri që do të zgjidhet nga tifozët

Gjatë ngjarjes Backlash, legjenda e WWE-së John Cena njoftoi krijimin e një evenimenti vjetor me emrin “John Cena Classic”. Koncepti i ri parashikon që kampioni të zgjidhet duke u votuar nga publiku, ndërsa çdo pjesëmarrës kualifikohet për garë; pra, edhe nëse një Superstars humbet ndeshjen, përkushtimi dhe simpatia e tifozërisë mund ta kurorëzojnë atë si fitues.

Sipas Bleacher Report, në kuadër të këtij eventi do të prezantohet edhe një titull i ri, ndërkohë që në garë do të përfshihen Superstars nga roster-i kryesor i WWE dhe nga NXT, me tifozët që do të vendosin për kampionin përfundimtar. Cena, i cili ka qenë edhe prezantues i WrestleMania 42 dhe kishte aluduar për lajmërimin në rrjetin X, u tërhoq nga aktiviteti në ring pas humbjes ndaj Gunther në Saturday Night’s Main Event në dhjetor 2025.

Ideja e një takimi midis Superstars të NXT dhe atyre të WWE-s, si pjesë e formatit të eventit, është pjesë e qasjes që Cena dëshiron të promovojë: të vlerësohet përkushtimi dhe lidhja me audiencën. Edhe pse 17-herë kampioni botëror ka përfunduar karrierën aktive, emri dhe filozofia e tij do të jenë thelbësore për frymën e këtij turneu.

Ngjarja pritet të zhvillohet së shpejti dhe do të shërbejë si një format unik ku publiku ka rol decisiv në përcaktimin e kampionit; raporton Bleacher Report se koncepti synon ta bëjë votën e tifozëve pjesë qendrore të dinamikës konkurruese.