Kategoria e Parë: Zgjidhet formacioni më i mirë javës së 32-të, me Nikajn trajner

Java e 32-të e Kategorisë së Parë uli siparin e ndeshjeve të saj të shtunën, teksa trajnerët e ekipeve kombëtare kanë përzgjedhur 11-shen më të spikatur të kësaj jave.

Formacioni është ndërtuar me skemën 3-4-1-2. Në portë qëndron Sinan Dani (Burreli). Në mbrojtje rreshtohen Arlind Kurti (Laçi), Rubin Hebeja (Besa) dhe Vilson Lila (Pogradeci).

Mesfusha përbëhet nga Nayngola (Luftëtari), Diarrassouba (Iliria), Robin Hoti (Burreli) dhe Ledjo Tresa (Laçi), ndërsa rolin lidhës e mban Saleh Nasr (Skënderbeu). Në sulm janë Fofana (Iliria) dhe Taulant Marku (Korabi).

Trajneri më i mirë i javës është përzgjedhur Samuel Nikaj i Burrelit, pas fitores 1-0 ndaj Lushnjes.